मंगळवेढा, दि.१७ : पंढरपूर-मंगळवेढा विधानसभा मतदार संघाचे महाविकास आघाडी व मित्र पक्षाचे अधिकृत उमेदवार अनिल सुभाष सावंत यांच्या प्रचारार्थ रविवार दि.१७ नोव्हेंबर रोजी सकाळी १०.३० वाजता आठवडा बाजार येथे खासदार सुप्रिया सुळे यांची जाहिर सभा आयोजित केल्याची माहिती रतनचंद शहा सहकारी बँकेचे चेअरमन राहुल शहा यांनी दिली. आठवडा बाजार येथे खा. सुप्रिया सुळे यांच्या जाहिर सभेचे आयोजन केले असून यावेळी मतदारांनी उपस्थित रहावे असे आवाहन संयोजकांनी केले आहे.
माढयाचे खासदार धैर्यशील मोहिते पाटील यांच्या मार्गदर्शनाखाली जेष्ठ नेते वसंतराव देशमुख, शहराध्यक्ष सुभाष भोसले, तालुकाध्यक्ष संदीप मांडवे, माजी नगरसेवक संतोष नेहतराव, रतनचंद शहा सहकारी बँकेचे अध्यक्ष राहुल शहा, मंगळवेढा शहराध्यक्ष चंद्रशेखर कोंडुभैरी, तालुकाध्यक्ष प्रथमेश पाटील यांच्या नेतृत्वाखाली पंढरपूर शहर, तालुक्यातील २२ गावे आणि मंगळवेढा शहर व तालुक्यात अतिशय नियोजनबद्धयंत्रणा राबवली असून तुतारी हे पक्षचिन्ह घरोघरी पोहोचवण्यात यश आले असून पंढरपूर शहरातील आजी माजी नगरसेवक, काँग्रेस पक्षाचे अनेक पदाधिकारी, ग्रामीण भागातील अनेक पदाधिकारी कामास लागले आहेत. शुक्रवारी राष्ट्रवादीचे आरोप प्रदेशाध्यक्ष जयंत पाटील यांची भव्य सभा शहरात संपन्न झाली. त्यामुळे पंढरपूर शहर आणि तालुक्यात राष्ट्रवादी काँग्रेसचे उमेदवार अनिल सावंत यांचे नाव घरोघरी चर्चेत आले आहे.
या पार्श्वभूमीवर मंगळवेढा शहरातील शिवप्रेमी चौकातील आठवडा बाजार येथे रविवारी सकाळी साडे दहा वाजता पक्षाच्या खासदार सुप्रिया सुळे होऊन यांची भव्य प्रचार सभा आयोजित करण्यात आली आहे.
